AGENDA

Oktober 2018

    Keng Events ugekënnegt
mois précédent
mois suivant

Den Opnam- an Integratiounskontrakt

 

De CAI gëtt virgesinn am Kader vum Gesetz vum 10. Dezember 2008 iwwert d’Opnam an d’Integratioun vun auslännesche Staatsbierger am Grand-Duché de Luxembourg. D’Ëmsetze vum CAI gëtt definéiert vum Règlement grand-ducal vum 2. September 2011.

Mam CAI besëtzt d’Lëtzebuerger Regierung een innovativen Instrument, fir den Integratiounsprozess zu Lëtzebuerg ze promovéieren.

D’Ëmsetze vum CAI gëtt vum Office Luxembourgeis de l’Accueil et de l’Immigration duerchgefouert, ënnert der administrativer Opsiicht vum Ministère fir Famill an Integratioun.

 

Ziilgrupp

De CAI riicht sech un all Auslänner, déi méi wéi 16 Joer al sinn, déi legal zu Lëtzebuerg wunnen an déi vir hunn, sech dauerhaft am Land opzehalen. De Kontrakt ass fräiwelleg; e riicht sech esouwuel un EU Staatsbierger wéi un Staatsbierger, déi net aus der EU kommen, egal ob se grad ukomm sinn, oder schonns méi laang zu Lëtzebuerg wunnen. D’Moossnahmen déi vum CAI virgesi ginn, sinn net obligatoresch.

 

Wéi eng Servicer bidd de CAI un?

  • D’Méiglechkeet eng vun de Sprooche vum Land ze léieren
  • D’Méiglechkeet un engem Civiques-Cours deelzehuelen
  • D’Méiglechkeet un engem Informatiounsdag deelzehuelen

 

Et ass wichteg op dës dräi Leeschtungen an Ansproch ze huelen, fir den Zertifikat ze kréien, deen ausseet, dass der all Recommandatioune vum CAI hannert iech hutt.

Mat de Sproochecoursen kritt een d’Méiglechkeet, opmannst de Niveau A.1.1. vun der gemeinsamer europäischer Referenzrumm fir Sproochen z’erreechen, an enger vun den dräi Verwaltungssproochen vu Lëtzebuerg. Dëst sinn : Lëtzebuergesch, Franséich an Däitsch. D’Signataire vum CAI gi gefrot sech ee Cours an engem méi Breede Choix vu Coursen erauszewielen, déi duerch Konvention mam ministère de l’Éducation nationale et de la Formation professionnelle op d’Bee gesat gi sinn, an déi vun ënnerschiddlechen Partneren organiséiert ginn: Gemengen, Associatiounen, Lycéen oder den Institut National des Langues.

D’Civiques-Coursen bidden eng ganz Partie vun Themen un, déi am Zesummenhang mat Integratioun an Zesummeliewen zu Lëtzebuerg stinn. Zum Beispill d’Geschicht an d’politesch Struktur vum Land, oder d’Bräicher an d’Traditiounen. Dës Coursen ginn zesumme vum OLAI a vum Ministère de l’Éducation nationale et de la Formation professionnelle organiséiert, an Zesummenaarbecht mat de Gemengen an de Lycéen.

Den Orientatiounsdag fënnt zweemol am Joer statt Week-End statt, an en dauert een halwen Dag. E gëtt vum OLAI a senge Partner organiséiert an e besteet aus engem konviviale Rendez-Vous, wou d’Signataire vum CAI di ënnerschiddlech Organisatiounen an ëffentlech Strukture vu Lëtzebuerg kenneléieren.

 

D’Virdeeler vum CAI fir d’Signatairen:

 Den Kontrakt z’ënnerschreiwen ass virun allem ee symboleschen Akt, duerch deen de Bewerber an de Staat hir géigesäiteg Verpflichtungen am Integratiounsprozess bekunden.

Donieft gëtt et fir de Siganataire och nach eng Partie Virdeeler:

  • Reduzéierten Inscriptiounstarif fir d’Sproochecoursen
  • Gratis Deelhuelen un der Civiques-Formatioun an um Informatiounsdag
  • Dispens vun engem vun de fakultativen Civiques-Coursen, déi virgesi sinn, fir d’Lëtzebuerger Nationalitéit ze kréien
  • Berücksichtege vum CAI, fir de Statut vun engem Laangzäit-Résident ze kréien

 

Praktesch Modalitéiten

Wien drun interesséiert ass, de CAI z’ënnerschreiwen, dee kann sech beim OLAI mellen fir en Termin zu enger Informatiounssitzung festzehalen. Entweder telefonesch, ënnert der Nummer 247 85700, oder per E-mail: cai AT olai.public DOT lu, oder andeems een sech beim Accueil vum OLAI mellt (7-9, avenue Victor Hugo, L-1750 Lëtzebuerg). Gitt wann ech gelifft un, ob Dir een Dolmetscher braucht, an a wéi enger Sprooch. Um Termin sollt Dir w.e.g. ee gültegen Ausweis matbréngen, an een Dokument, dat d’Rechtméissegkeet vun ärem Openthalt bescheinegt (Openthaltserlaabnis, Openthaltsbescheinegung, asw.) Gitt dovun aus, dass d’Virstellung vum CAI an dat uschléissend Gespréich ongeféier zwou Stonnen daueren.

D’Signatairen ginn dann iwwert di genee Ufankeszäiten informéiert vun den Servicer déi si interesséieren. Dës Matdeelunge kënne nodréiglech zu aller Zäit ergänzt ginn. Dodrops hinn kritt de Signataire ee Bong mat deem hee sech un ee Sproochecours vu senger Wiel melle kann. E kritt och eng Carte de Signataire, mat déier heen sech un di ënnerschiddlech Service kann umellen.

Fir weider Informatiounen, konsultéiert w.e.g. de Website vum OLAI:www.olai.public.lu.

 Fir méi doriwwer ze wëssen, klickt hei fir den Dépliant vum CAI ofzelueden(pdf).